En Øl Til........

Fyrir einu ári síðan í dag 14.januar fór ég á semi blint stefnumót með manni sem á heima í blokkinni við hliðinni á mér.

Ég var búin að ræða þetta mál við systur mína og vinkonur mínar sem allar kvöttu mig til þess að fara og tékka á þessu, þannig að ég ákvað að skella mér í "kaffi" til hans á sunnudegi, hafði enga trú á því að mér myndi líka við hann þannig að ég nennti ekkert að vera að taka mig til eða fara úr tíglasokkunum mínum.

Um leið og hann opnaði hurðina vissi ég að það voru mistök, mig langaði bara að hlaupa aftur heim, skella á mig maskara fara í svarta sokka og hlaupa svo aftur yfir til hans, hefði ekki verið verra að vera með hæfileikann til þess að stoppa tímann á meðan, en þar sem það var ekki möguleiki þá beit ég á jaxlinn og þáði boðið um að kíkja inn.

Það var ekki ein einasta vandræðaleg þögn alla 8 tímana sem stefnumótið varði og eftir um það bil mánuð ætla ég að flytja til hans í næstu blokk.

Peter, tak for et dejligt første år elskede, glæder mig til mange mange flere.

Ég elska þig.