En Øl Til........

Eftir að ég kom heim eftir frábært kvöld hjá fjölskyldunni á Wagnersvej í gærkvöldi þá lagðist ég uppí rúm kveikti á imbanum og horfði á eina uppáhalds myndina mína Sliding Doors.

Þegar myndin var svona sirka hálfnuð, og klukkan rúmlega 2 þá heyri ég einhver óhljóð frammi á gangi og svo er bankað á hurðina hjá mér...
Ég pásaði myndina og hætti að anda, stóð við millihurðina og hugsaði með mér hvað í andskotanum ég væri að pæla að geyma rafmagnsflugnaspaðann minn frammi í gangi... ég gæti sko alveg komið einhverjum glæponinum í sjokk með honum.
Allavega, það leið og beið og ég hætti að heyra nokkuð þannig að ég fór fram í forstofu hjá mér og græjaði málið svo ég gæti haldið áfram að horfa á myndina...

Þetta var það sem ég taldi vera að græja málið í gærkvöldi!!!
Fatta ekki alveg hvernig þetta hefði stoppað einhvern með einbeittan brotavilja... ha ha ha...já sérstaklega fægiskóflan þarna ofaná, hún gæti sko alveg verið deadly!